咁大個女, 我第一次既忍耐力咁強, 生完後一般唔可以咁快洗頭, 我媽要我一定12朝先可以洗頭, 佢千叮萬囑, 驚我偷偷地洗, 哈, 恕不知今次我超乖, 真係忍到12朝先洗第一次既頭髮, 我喺醫院住左6日, 醫院有冷氣, 空間大d, 雖然到左出院嗰日, 我都覺得個頭唔算好立.

捱到12朝終於可以洗頭啦, 太霖形容我d頭髮為"一餅野", 哈哈, 因為真係成餅野咁! 之後我媽又問左大陸d鄉里, 又話唔應該12朝咁快洗喎, 要過成個月先得!! 所以叫我12朝後唔好洗住, 直至滿月為止! 嘩...咁即係仲有成十幾廿日?! 哈...我自己都估唔到呀, 你話我迷信又好點都好, 我唔想老來頭痛或風濕, 我真係忍到滿月前一日先洗頭呀!! 幾堅呀! 即係成個月只洗左2次咁大把, 你話我既忍耐力係咪超強呀!!

12朝時洗頭要洗2次洗得, 第1次完全冇泡, 我諗太多頭油啦, 哈哈! 滿月前一日我洗左3次! 因為成十幾廿日, 洗3次先安心, 終於我"餅"頭髮變番"秀髮"啦! 哈哈!

順便講一下, 我今次住院好正! 因為大房爆左, 生完後安排左我去住私家病房既二等房, 即係本身公務員先可以住, 2人一間房, 仲有獨立廁所, 又有廁紙供應, 又乾淨, 唔駛同人迫, 超正! 仲要service好好, 張床有個remote可隨時call姑娘黎, d姑娘服務同大房完全唔同, 佢地好有心機同樂意解答同協助我地呢d剛生完既媽媽, bb第二日就要跟我俾我自己湊番, 但有時bb喊的話, 姑娘好快黎到了解有乜需要幫手. 清潔嬸嬸仲同我講, 我呢d case超筍, 只要$100/晚就可以享用私家病房設施, 人地本身公務員都要差唔多$300/晚!!